Central Ethiopia Regional State Justice Bureau

የማዕከላዊ ኢትዮጵያ ክልል ፍትህ ቢሮ አዲስ ኃላፊ የሥራ ርክክብ አደረጉ

Seble — Fri, 09 Oct 2026 06:15:24 +0000

የማዕከላዊ ኢትዮጵያ ክልል ፍትህ ቢሮ አዲስ ኃላፊ የሥራ ርክክብ አደረጉ Seble Fri, 10/09/2026 - 09:15

የማዕከላዊ ኢትዮጵያ ክልል ፍትህ ቢሮ አዲስ ኃላፊ የሥራ ርክክብ አደረጉ
መስከረም 28/2019 ዓ/ም – ሀላባ
በማዕከላዊ ኢትዮጵያ ክልል ፍትህ ቢሮ ኃላፊ ሆነው አዲስ የተሾሙት አቶ ሳሙኤል መንገሻ ከቀድሞው የቢሮው ኃላፊ አቶ አክመል አህመዲን ጋር የሥራ ርክክብ አደረጉ።
በሥራ ርክክብ ሥነ-ሥርዓቱ ላይ አቶ አክመል አህመዲን በኃላፊነት ባገለገሉበት ወቅት ከጎናቸው ለነበሩ የማኔጅመንት አባላትና ለመላው የቢሮው ሠራተኞች ላደረጉላቸው የሥራ ትብብርና ድጋፍ ከፍ ያለ ምስጋና አቅርበዋል።
በመርሃ ግብሩ ላይ የተገኙ የቢሮው ምክትል ኃላፊዎች፣ የተጠሪ ተቋማት ኃላፊዎች፣ የማኔጅመንት አባላትና ሠራተኞች በሰጡት አስተያየት፣ ክልሉ ከተመሠረተ ጀምሮ በፍትህ ዘርፍ ለተከናወኑ ሥራዎችና አቶ አክመል አህመዲን በኃላፊነት በነበሩበት ወቅት ላሳዩት የአመራር ብቃት አድናቆታቸውንና ምስጋናቸውን ገልጸዋል።
ተሳታፊዎቹ በተጨማሪም ከአዲሱ የቢሮው ኃላፊ ጋር በመቀናጀት ቀደም ሲል የተጀመሩ ሥራዎችን በተሻለ ትኩረት በማስቀጠል ወደ ተግባራዊ ውጤት ለማሸጋገር በትጋት እንደሚሠሩ አረጋግጠዋል።
አዲሱ የቢሮው ኃላፊ አቶ ሳሙኤል መንገሻ በበኩላቸው፣ የተሰጣቸውን ኃላፊነት በብቃት ለመወጣት የዜጎች ሰብዓዊና ዲሞክራሲያዊ መብቶች እንዲከበሩ፣ የሕግ የበላይነት እንዲጠናከርና የሕዝብን ተጠቃሚነት ማዕከል ያደረገ የፍትህ አገልግሎት እንዲሰጥ ከየደረጃው ካሉ አመራሮችና ባለሙያዎች ጋር በቅንጅት እንደሚሠሩ ገልጸዋል።
የቢሮውን የቀደመ አፈጻጸም በማስቀጠልና በማሻሻል፣ ተቋሙ የተሰጠውን ሕጋዊ ተልዕኮ በብቃት እንዲወጣ ሁሉንም አካላት አሳትፈው እንደሚሠሩም አቶ ሳሙኤል አስገንዝበዋል።
በሥራ ርክክብ መርሃ ግብሩ ላይ የቢሮው ምክትል ኃላፊዎች፣ የተጠሪ ተቋማት አመራሮች፣ የማኔጅመንት አባላትና የቢሮው ሠራተኞች ተገኝተዋል።
በመጨረሻም ለቀድሞው የቢሮው ኃላፊ አቶ አክመል አህመዲን ጋቢ የማልበስና መልካም ምኞት የመግለጽ ሥነ-ሥርዓት ተከናውኗል።

ፍቅርተ ዘለቀ

የቢሮው መ/ኮሚኒኬሽን

Image

የክልሉ ፍትህ ሴክተር ተቋማት በክረምት በጎ ፈቃድ አገልግሎት በሀላባ ቁሊቶ ከተማ ያስገነቧቸውን ቤቶች ለባለቤቶቹ አስረከቡ

Seble — Sun, 06 Sep 2026 14:30:01 +0000

የክልሉ ፍትህ ሴክተር ተቋማት በክረምት በጎ ፈቃድ አገልግሎት በሀላባ ቁሊቶ ከተማ ያስገነቧቸውን ቤቶች ለባለቤቶቹ አስረከቡ Seble Sun, 09/06/2026 - 17:30

የክልሉ ፍትህ ሴክተር ተቋማት በክረምት በጎ ፈቃድ አገልግሎት በሀላባ ቁሊቶ ከተማ ያስገነቧቸውን ቤቶች ለባለቤቶቹ አስረከቡ
**
ነሃሴ 30/2018)፣የማዕከላዊ ኢትዮጵያ ክልል ፍትህ ሴክተር ተቋማት በክረምት በጎ ፈቃድ አገልግሎት በሀላባ ቁሊቶ ከተማ ያስገነቧቸውን ሁለት የመኖሪያ ቤቶች ለባለቤቶች አስተላልፈዋል።

ተቋሟቱ የአቅመ ደካሞቹን የቤት ግንባታ ሀምሌ 14/2018 ማስጀመራቸው ይታወቃል።

የማዕከላዊ ኢትዮጵያ ክልል ጠቅላይ ፍርድ ቤት ፕሬዚዳንት ኤርስኖ አቡሬ ተቋሙ የማህበራዊ ሀላፊነት ለመወጣት በርካታ ስራዎችን እየፈፀመ መሆኑን ተናግረዋል።

ደካሞችን ለመደገፍ የተጀመረውን ስራ በማጠናከር የበጎ ፈቃድ ስራዎችን ባህል ማድረግ ይገባል ያሉት ፕሬዝዳንቱ በዛሬው ዕለትም የፍትህ አካላትና የጠቅላይ ፍርድ ቤት በ1.2 ሚሊዮን ብር በጋራ የተገነባ የመኖሪያ ቤት አስረክቧል

የርዕሰ መስተዳድሩ ልዩ አማካሪ ንጉሴ አስረስ ዶ/ር በክልሉ የበጎ ፈቃድ አገልግሎቶች በክቡር ርዕሰ መስተዳድሩ በልዩ ትኩረት እየተመራ ተጨባጭ ውጤት እያመጣ ነው ብለዋል።

በክልሉ በሁሉም ዘርፍ በተሰራው ስራ እምርታ መጥቷል ያሉት ዋና አማካሪው የበጎ ተግባሩ ለዜጎች እፎይታን የሠጠና የመንግስትና የማህበረሰቡን ትስስርን እያጠናከረ መምጣቱን ተናግረዋል።

ህብረተሰቡ በጉልበቱ ፣በእውቀቱና በገንዘቡ ጠንካራ ድጋፍ እያደረገ መሆኑን ተናግረው እስካሁንም በክልሉ ከ13 ቢሊዮን በላይ ብር ተሳትፎ ማድረጉን ተናግረዋል።

የማዕከላዊ ኢትዮጵያ ክልል ፍትህ ቢሮ ሀላፊ አቶ አክመል አህመድን በበኩላቸው የመረዳዳትና የመተጋገዝ አካል አንዱ የሆነውን ለአቅመ ደካማ ዜጎች የመኖሪያ ቤት ገንብቶ አስረክቧል ብለዋል።

ግንባታውን የፍትህ ቢሮ እና የማረሚያ ተቋማት በጋራ ያስገነቡት መሆኑን ገልፀው ለቤቱ የሚያስፈልጉ ሙሉ የቤት እቃዎች የተሟላለትና ለእናታችን ለስራ ማስጀመሪያ የሚሆን የ50 ሺ ብር ተጨማሪ ድጋፍ የተደረገላቸው መሆኑን ተናግረዋል።

‎ተግባሩ ዜጎች የተሻለ የኑሮ ሁኔታ እንዲኖራቸው ያደርጋል ያሉት አቶ አክመል በአጠቃላይ ለቤቱ ግንባታና የቤት ቁሳቁስ 1 ሚሊዮን 200ሺ ብር ወጪ መደረጉን ተናግረዋል።

የሀላባ ቁሊቶ ከተማ አስተዳደር ከንቲባ ገመዳ መሀመድ በበኩላቸው መንግስት በዜጋ ተኮር ስራዎች የተለያዩ ማህበራዊ ችግር ተጋላጭ የሆኑ አረጋዊያንና አቅመ ደካሞችን በመደገፍ ተጠቃሚ ማድረጉንና ተጠናክሮ የሚቀጥል መሆኑንም ተናግረዋል።

አባታቸውን በሞት ያጡ 4 ልጆችና 2 ወላጅ አልባ በድምሩ የ6 ልጆች አሳዳጊ የሆኑት ወ/ሮ መድሀኒት ሀይሉ መንግስት ያደረገላቸው የተሟላ ድጋፉ ለልጆቻቸውና ለራሳቸው ተስፋን እንደጨመረላቸው ተናግረዋል።

ሁለተኛው የቤት ድጋፍ የተደረገላቸው እናት ልጃቸው የሀገር መከላከያን እያገለገለ መሆኑን የተናገሩት ወ/ሮ አይነቴ ቦጪሶ ደግሞ ድጋፉ ከሰው ጋር እኩል መኖር እንዲችሉ ያስቻላቸው መሆኑን ገልፀዋል።

በቁልፍ ርክክቡ ወቅት የክልሉ ከፍተኛ የስራ ሀላፊዎችና የአካባቢው ነዋሪዎች የተገኙ ሲሆን ለቤቶቹ ግንባታ ስኬት ድጋፍ ያደረጉ አካላትን በሙሉ አመስግነዋል።

Image

የፍትህ ስርዓቱን ቀልጣፋና ምቹ በማድረግ ብልሹ አሰራሮችን ለመቅረፍ በቅንጅት እየተሰራ ነው - የክልሉ ፍትህ ቢሮ

Seble — Sun, 06 Sep 2026 14:27:53 +0000

የፍትህ ስርዓቱን ቀልጣፋና ምቹ በማድረግ ብልሹ አሰራሮችን ለመቅረፍ በቅንጅት እየተሰራ ነው - የክልሉ ፍትህ ቢሮ Seble Sun, 09/06/2026 - 17:27

የፍትህ ስርዓቱን ቀልጣፋና ምቹ በማድረግ ብልሹ አሰራሮችን ለመቅረፍ በቅንጅት እየተሰራ ነው - የክልሉ ፍትህ ቢሮ

ሀላባ፣ ነሀሴ 30/2018 ዓ.ም) የማዕከላዊ ኢትዮጵያ ክልል ፍትህ ቢሮ የሴክተር ጉባኤውን ከባለድርሻ አካላት ጋር በሀላባ ቁሊቶ ከተማ አካሂዷል።

የቢሮው ሀላፊ አቶ አክመል አህመዲን እንደተናገሩት የፍትህ ስርዓቱን ቀልጣፋና ምቹ በማድረግ የመልካም አስተዳደርና ብልሹ አሰራሮችን ለመቅረፍ በቅንጅት እየተሰራ ነው ብለዋል።

በበጀት ዓመቱ ዐቃቤ ህግ ከቀረቡለት መዝገቦች መካከል 98 በመቶ ላይ ውሳኔ መሰጠት መቻሉን የተናገሩት አቶ አክመል የመርታት ምጣኔውንም 97 በመቶ ማድረስ ተችሏል ብለዋል።

መጠነ ማቋረጥንም በባለፈው በጀት ዓመት ከነበረበት 467 መዝገብ ወደ 366 ዝቅ ማድረግ መቻሉን ተናግረው አሁንም ተጨማሪ ሰፊ ስራ የሚጠይቅ አመላካች መሆኑን ተናግረዋል።

ጉባኤው በበጀት ዓመቱ አመርቂ ውጤት የተመዘገበባቸውን ተግባራት አጠናክሮ ለማስቀጠልና ዝቅተኛ አፈጻጸም የተመዘገበባቸውን ተግባራት ላይ ልዩ ትኩረት በመስጠት ለመፈጸም አቅም የፈጠረ መሆኑን ተናግረዋል።

የክልሉ የህዝብ ተወካዮች ምክር ቤት ምክትል አፈጉባኤ ወ/ሮ መነቴ ሙንዲኖ እንደተናገሩት በክልሉ ፍትህ በእኩልነት የሚደርስበት ማህበረሰብን ለመፍጠር ሁላችንም ሀላፊነታችንን መወጣት አለብን ብለዋል።

ለህግ የበላይነትና ዘላቂ ፍትህ መስፈን ተቋማዊ ቅንጅትን ማሳደግ ይገባል ያሉት ወይዘሮ መነቴ የፖሊስና የማረሚያ ቤቶች ማረፊያ ቦታዎች የዜጎችን ሰብዓዊ መብት ያከበረ መሆን እንደሚገባው ተናግረዋል።

የክልሉ ፍትህ ቢሮ ምክትል የወንጀል እና ፍትሃብሄር ዘርፍ አቶ እያሱ ሻንቆ በበኩላቸው የፍትህ ስርዓት መዘግየትና ሌሎች የፍትህ ስርዓት የሚያደናቅፉ ችግሮችን ማስወገድ የጋራ ጥረት ይጠይቃል ብለዋል።

የሀገራችን የብልጽግና ጉዞ በብልሹ አሰራር እንዳይደናቀፍ የህግ የበላይነትን በማረጋገጥ የዜጎችን ሰብዓዊ መብት ማክበር ትኩረት የሚሻው ጉዳይ መሆኑን ተናግረዋል።

በአገልግሎት አሰጣጡ የሚነሱ የዜጎች የአገልግሎት እሮሮ ለመቀነስ የመልካም አስተዳደር ክፍተቶች ብልሹ አሰራር በማስወገድ የተገልጋዩችን እርካታ ከፍ ማድረግ ይገባልም ብለዋል።

የመድረኩ ተሳታፊዎች በበኩላቸው ለዜጎች ተገቢውን የፍትህ አገልግሎት ተደራሽ በማድረግ በተደጋጋሚ በየአካባቢው በፌትህ ስርዓቱ ላይ የሚነሱ የህዝብ የመልካም አስተዳደር ጥያቄዎችን መቅረፍ ይገባል ብለዋል።

በምርመራ ሂደት ያለውን የወጥነት ችግር መቅረፍ፣ ቅንጅታዊ አሰራርን ማጠናከር እና ባህላዊ ዳኝነትን በማስፋት መስራት እንደሚገባ አመላክተዋል።

ቢሮው የላቀ አፈፃፀም ላስመዘገቡ ዞኖች እና ልዩ ወረዳ የእውቅናና ሰርተፍኬት ሽልማት አበርክቷል።

Image

በ«የይቅርታ ተጠቃሚ የሕግ ታራሚዎች ምልመላና መረጣ ረቂቅ መመሪያ» ላይ አስተያየት ይስጡ!

Superadmin — Thu, 09 Jul 2026 08:35:07 +0000

በ«የይቅርታ ተጠቃሚ የሕግ ታራሚዎች ምልመላና መረጣ ረቂቅ መመሪያ» ላይ አስተያየት ይስጡ! Superadmin Thu, 07/09/2026 - 11:35

በ«የይቅርታ ተጠቃሚ የሕግ ታራሚዎች ምልመላና መረጣ ረቂቅ መመሪያ» ላይ አስተያየት ይስጡ!

የማዕከላዊ ኢትዮጵያ ክልል ፍትህ ቢሮ በ2018 በጀት ዓመት እያዘጋጃቸው ከሚገኙ ረቂቅ መመሪያዎች መካከል አንዱ የ«የይቅርታ ተጠቃሚ የሕግ ታራሚዎች ምልመላና መረጣ ረቂቅ መመሪያ» ነው።

ቢሮው ረቂቅ መመሪያውን ይበልጥ የተሟላና ጥራት ያለው ለማድረግ በሚካሄዱ የውይይት መድረኮች ከሚሰበሰቡ ግብዓቶች በተጨማሪ፣ ከህብረተሰቡ የሚቀርቡ ገንቢ ሐሳቦችንና አስተያየቶችን በቢሮው ድረ ገጽ ፣ በቴሌግራም ገጽ እና በነፃ የጥሪ ማዕከል በ 8651 አማካኝነት ለመቀበል ይፈልጋል።
ስለሆነም በረቂቅ መመሪያው ላይ ያላችሁን ገንቢ ሐሳብና አስተያየት በተዘጋጁት መገናኛ አማራጮች እንድታደርሱን በአክብሮት እንጋብዛለን።

"የእርስዎ ገንቢ ሐሳብ የተሻለ የሕግ ሥርዓት ግንባታ አካል ነው!"
የማዕከላዊ ኢትዮጵያ ክልል ፍትህ ቢሮ

የዐቃቤ ህግ አስተዳደርን እና ሙያዊ አፈጻጸምን ለማጠናከር የተዘጋጁ አራት ረቂቅ መመሪያዎች በማኔጅመንት ውይይት ግብዓት ተሰበሰበ

Seble — Wed, 08 Jul 2026 08:08:29 +0000

የዐቃቤ ህግ አስተዳደርን እና ሙያዊ አፈጻጸምን ለማጠናከር የተዘጋጁ አራት ረቂቅ መመሪያዎች በማኔጅመንት ውይይት ግብዓት ተሰበሰበ Seble Wed, 07/08/2026 - 11:08

የዐቃቤ ህግ አስተዳደርን እና ሙያዊ አፈጻጸምን ለማጠናከር የተዘጋጁ አራት ረቂቅ መመሪያዎች በማኔጅመንት ውይይት ግብዓት ተሰበሰበ******

ሀላባ፣ ሰኔ 24/2018 ዓ.ም. የማዕከላዊ ኢትዮጵያ ክልል ፍትህ ቢሮ የዐቃቤ ህግ ተቋማዊ አስተዳደርን፣ ሙያዊ ሥነ-ምግባርንና የሥራ አፈጻጸምን የበለጠ ቀልጣፋ፣ ግልጽ እና ውጤታማ ለማድረግ ያለሙ አራት ረቂቅ መመሪያዎችን ለማፅደቅ የሚያስፈልጉ ግብዓቶችን ለማሰባሰብ ከቢሮው ኃላፊዎችና ከማኔጅመንት አባላት ጋር ለሁለት ቀናት የቆየ ዝርዝር ውይይት አካሂዷል።

በሰኔ 23 እና 24/2018 ዓ.ም. በሀላባ በተካሄደው የግብዓት ማሰባሰቢያ መድረክ፣ የዐቃቤ ህግ ሥነ-ምግባር አፈጻጸም፣ የቅጥር፣ የምደባና የዝውውር አፈጻጸም፣ የዐቃቤ ህግ አስተዳደር ጉባኤ አባላት የስብሰባ ሥነ-ሥርዓት እንዲሁም የዐቃቤ ህግ የሥራ አፈጻጸም ምዘናን የሚመለከቱ አራት ረቂቅ መመሪያዎች በዝርዝር ቀርበው ተመርምረዋል።

ረቂቅ መመሪያዎቹ አንቀጽ በአንቀጽ ከቀረቡ በኋላ የማኔጅመንት አባላት የመመሪያዎቹ ይዘት፣ ቅርጽና ተግባራዊነት የበለጠ እንዲጠናከር የሚያግዙ ገንቢ አስተያየቶችንና ጥያቄዎችን አቅርበዋል። በቀረቡት ሀሳቦች ላይም የረቂቅ አዘጋጅ ቡድኑ ዝርዝር ማብራሪያ በመስጠት ውይይቱን የበለጠ ፍሬያማ አድርጎታል።
በመድረኩ የተሰበሰቡ ግብዓቶች እና ማሻሻያ ሀሳቦች በረቂቅ መመሪያዎቹ ውስጥ ተካተው የመጨረሻ ማስተካከያ እንዲደረግባቸውና ለፀደቃ ጉባኤ በሚቀርብ ደረጃ እንዲዘጋጁ የቢሮው ማኔጅመንት አቅጣጫ አስቀምጧል።

የፍትህ ቢሮው እነዚህ መመሪያዎች ሲፀድቁ በዐቃቤ ህግ አገልግሎት ውስጥ የሙያ ሥነ-ምግባርን፣ የሰው ኃይል አስተዳደርን፣ የአፈጻጸም ምዘናን እና ተቋማዊ አስተዳደርን በማጠናከር የፍትህ አገልግሎቱን ጥራትና ተጠያቂነት የበለጠ ለማሳደግ ከፍተኛ አስተዋፅኦ እንደሚኖራቸው ተጠቁሟል።
በተጨማሪም በቀጣይ የሚዘጋጁ እና የሚፀድቁ ሌሎች መመሪያዎችም ተመሳሳይ ተሳትፎና ግብዓትን ማዕከል በማድረግ እንደሚካሄድ ተገልጿል።

Image

በሰው መነገድና ሰውን በህገ-ወጥ መንገድ ድንበር ማሻገር ወንጀል ለመግታት የህግ ማዕቀፍ ማጠናከር ላይ ያተኮረ የምክክር መድረክ ተካሄደ

Seble — Wed, 08 Jul 2026 08:06:00 +0000

በሰው መነገድና ሰውን በህገ-ወጥ መንገድ ድንበር ማሻገር ወንጀል ለመግታት የህግ ማዕቀፍ ማጠናከር ላይ ያተኮረ የምክክር መድረክ ተካሄደ Seble Wed, 07/08/2026 - 11:06

በሰው መነገድና ሰውን በህገ-ወጥ መንገድ ድንበር ማሻገር ወንጀል ለመግታት የህግ ማዕቀፍ ማጠናከር ላይ ያተኮረ የምክክር መድረክ ተካሄደ
ሀላባ፣ ሰኔ 11/2018 ዓ.ም
የማዕከላዊ ኢትዮጵያ ክልል ፍትህ ቢሮ HOPE FOR JUSTICE ከተባለ ግብረ ሠናይ ድርጅት ጋር በመተባበር ኢ-መደበኛ ፍልሰትን፣ በሰው መነገድን እና ህገ-ወጥ የውጭ ሀገር የሥራ ስምሪትን ለመከላከልና ለመቆጣጠር የወጣውን አዋጅ ቁጥር 1178/2012 እና ደንብ ቁጥር 32/2017 አስመልክቶ ከተለያዩ ባለድርሻ አካላት ጋር የምክክርና የግንዛቤ ማስጨበጫ መድረክ በአርባ ምንጭ ከተማ አካሂዷል።
በመድረኩ የእንኳን ደህና መጣችሁ ንግግር ያደረጉት የHOPE FOR JUSTICE የፕሮግራሞች ዳይሬክተር አቶ ፈይሳ ተፈራ ሲሆኑ፣ የመክፈቻ ንግግሩን ያቀረቡት የማዕከላዊ ኢትዮጵያ ክልል ፍትህ ቢሮ ምክትል ኃላፊና የህግ ጉዳዮች ዘርፍ ኃላፊ አቶ አብርሃም በድሩ ናቸው።
አቶ አብርሃም በንግግራቸው እንደገለጹት፣ በሰው መነገድና ሰዎችን በህገ-ወጥ መንገድ ድንበር ማሻገር ወንጀሎች በዜጎች ህይወት፣ ደህንነትና ሰብዓዊ መብት ላይ ከፍተኛ ጉዳት እያደረሱ እንደሚገኙ ጠቅሰው፣ ችግሩን በህግ፣ በቅንጅት እና በህዝብ ተሳትፎ ለመከላከል የተጠናከረ ሥራ እየተከናወነ መሆኑን ገልጸዋል።
ኃላፊው አክለውም፣ አዋጁና ደንቡ የሰው መነገድን፣ ህገ-ወጥ የውጭ ሀገር የሥራ ስምሪትን እና ሰዎችን በህገ-ወጥ መንገድ ድንበር ማሻገርን ለመከላከል እንዲሁም የፍልሰት አስተዳደርን ቀልጣፋና ውጤታማ ለማድረግ የሚያስችሉ መሆናቸውን ገልጸዋል። በተጨማሪም የተለያዩ መንግስታዊና መንግስታዊ ያልሆኑ ተቋማት፣ የህዝብ አደረጃጀቶች፣ የሀይማኖት ተቋማት እና የሙያ ማህበራት በቅንጅት እንዲሰሩ የሚያግዝ የትብብር ሥርዓት መዘርጋቱን አስረድተዋል።
በክልሉ በተለይም በሀድያ፣ በከምባታ ጠምባሮ፣ በጉራጌ፣ በምዕራብ ጉራጌ፣ በስልጤ እና በሀላባ ዞኖች የሚስተዋሉ በሰው መነገድና ህገ-ወጥ ፍልሰት ችግሮችን ለመቀነስ የተለያዩ የግንዛቤ ማስጨበጫ፣ የክትትል እና የቅንጅት ሥራዎች ሲከናወኑ መቆየታቸውንም ጠቁመዋል።
በመቀጠል ለውይይት የተዘጋጀውን ሰነድ ያቀረቡት የቢሮው የፍልሰት ትብብር ጥምረት አስተባባሪ አቶ ታደሰ መንድሙ ሲሆኑ፣ በአዋጁና በደንቡ ዙሪያ ዝርዝር ማብራሪያ ሰጥተዋል።
በመድረኩ የተሳተፉ ዐቃቤ ህጎች እና ሌሎች ባለድርሻ አካላት ችግሩን ለመከላከል የራሳቸውን ድርሻ በተጠናከረ መልኩ ለመወጣት ቁርጠኝነታቸውን የገለጹ ሲሆን፣ ህብረተሰቡም ከህገ-ወጥ የፍልሰት መንገዶች በመራቅ ህጋዊ አሰራሮችን መከተል እንደሚኖርበት ተገልጿል፡
በመጨረሻም የክልሉ ፍትህ ቢሮ ኃላፊ እና የህግ ጉዳዮች ዘርፍ ኃላፊ አቶ አብርሀም በድሩ እና የHop for justce የፕሮግራሞች ዳይሬክተር አቶ ፈይሳ ተፈራ በማጠቃለያ ንግግራቸው የቀጣይ የትኩረት አቅጣጫዎችን አመላክተዋል።

Image

የሥራ ሥነ-ምግባር ግንባታ ለተቋማት ውጤታማነትና ለተገልጋይ እርካታ ወሳኝ መሆኑ ተገለጸ

Seble — Wed, 08 Jul 2026 08:03:28 +0000

የሥራ ሥነ-ምግባር ግንባታ ለተቋማት ውጤታማነትና ለተገልጋይ እርካታ ወሳኝ መሆኑ ተገለጸ Seble Wed, 07/08/2026 - 11:03

የሥራ ሥነ-ምግባር ግንባታ ለተቋማት ውጤታማነትና ለተገልጋይ እርካታ ወሳኝ መሆኑ ተገለጸ
ሀላባ፣ ሰኔ 2/2018 ዓ.ም
የማዕከላዊ ኢትዮጵያ ክልል መንግስት ፍትህ ቢሮ የሥነ ምግባር እና ፀረ ሙስና ዳይሬክቶሬት ለቢሮው አመራሮችና ሠራተኞች በሥራ ሥነ-ምግባር ዙሪያ ያተኮረ ስልጠና ሰጠ።
በስልጠናው መክፈቻ ላይ የተገኙት የቢሮው ምክትል ኃላፊና የህግ ጉዳዮች ዘርፍ ኃላፊ አቶ አብርሃም በድሩ፣ የሥራ ሥነ-ምግባር በታታሪነት፣ በተጠያቂነትና በቁርጠኝነት ሥራን በመከወን የሚረዳ መሠረታዊ እሴት መሆኑን ገልፀው፣ ተቋማት ተልዕኳቸውን በተሳካ ሁኔታ ለማሳካት የሚያስችላቸው ዋና መሠረት መሆኑን አስረድተዋል።
አቶ አብርሃም አክለውም በፍጥነት እያደገ የመጣውን የተገልጋዮች ፍላጎት ለማሟላት ሠራተኞች ከፍተኛ የሥራ ሥነ-ምግባር ሊላበሱ እንደሚገባ ገልፀዋል። ጥሩ የሥራ ሥነ-ምግባር ያላቸው ሠራተኞች ለከፍተኛ ኃላፊነትና ለሥራ ዕድገት እንደሚመረጡ ሲገልጹ፣ የሥራ ሥነ-ምግባር ጉድለት ያለባቸው ሠራተኞች የተቋማትን ራዕይና ተልዕኮ ለማሳካት እንቅፋት እንደሚሆኑ አስገንዝበዋል።
በስልጠናው ላይ የክልሉ ሥነ-ምግባርና ፀረ-ሙስና ኮሚሽን የስነ-ምግባር አውታሮች ማስተባበር ዳይሬክቶሬት ዳይሬክተር አቶ አብዱልሽኩር ቡሴር በሥራ ሥነ-ምግባር፣ በተጠያቂነት፣ በሙያዊ ታማኝነት፣ እና በተገልጋይ ተኮር አገልግሎት አሰጣጥ ዙሪያ ዝርዝር ገለፃ አቅርበዋል።
በስልጠናው ወቅት ተቋማት ውጤታማና ትርፋማ ለመሆን የሰው ሀብታቸውን በዕውቀትና በክህሎት ብቻ ሳይሆን በጠንካራ የሥራ ሥነ-ምግባር ማነጽ እንደሚገባቸው ተገልጿል። በተጨማሪም ኢ-ሥነ-ምግባራዊ ድርጊቶችና ሙስና በተቋማት ውስጥ የውጤታማነትና የተገልጋይ እርካታ መቀነስ ዋነኛ ምክንያቶች መሆናቸው ተጠቁሟል።
በውይይቱ ወቅት ተሳታፊዎች የሥራ ሥነ-ምግባር በተቋማት ውስጥ ጠንካራ የአገልግሎት ባህል ለመፍጠር፣ የተገልጋዮችን እምነት ለማጠናከርና የሥራ ውጤታማነትን ለማሳደግ የሚኖረው ሚና ከፍተኛ መሆኑን ገልፀዋል። ስልጠናው በየዕለቱ በሥራ ቦታ የሚያጋጥሙ የሥነ-ምግባር ተግዳሮቶችን ለመቅረፍ ጠቃሚ ግንዛቤ እንዳስጨበጣቸውም ገልፀዋል።
በተለይም ተሳታፊዎቹ ከስልጠናው ያገኙትን እውቀት በተግባር በመተርጎም ተገልጋይ ተኮር፣ ተጠያቂና ግልጽ የሆነ አገልግሎት ለመስጠት እንደሚሰሩ ቃል ገብተዋል።
ስልጠናው በተሳታፊዎች ጥያቄና አስተያየት የታጀበ ውይይት ከተደረገበት በኋላ ተጠናቋል።

Image

የቅጣት አወሳሰን መመሪያ 3/2017 እና የፍትሐብሔር ፍትህ አስተዳደር ዙሪያ የዐቃቢያነ ህግ አቅም ማጎልበቻ ሥልጠና ተካሄደ

Seble — Wed, 08 Jul 2026 07:57:31 +0000

የቅጣት አወሳሰን መመሪያ 3/2017 እና የፍትሐብሔር ፍትህ አስተዳደር ዙሪያ የዐቃቢያነ ህግ አቅም ማጎልበቻ ሥልጠና ተካሄደ Seble Wed, 07/08/2026 - 10:57

የቅጣት አወሳሰን መመሪያ 3/2017 እና የፍትሐብሔር ፍትህ አስተዳደር ዙሪያ የዐቃቢያነ ህግ አቅም ማጎልበቻ ሥልጠና ተካሄደ

ሀላባ፣ ግንቦት 15/ 2018 ዓ.ም

በማዕከላዊ ኢትዮጵያ ክልል መንግስት ፍትህ ቢሮ በቅጣት አወሳሰን መመሪያ ቁጥር 3/2017 እና በፍትሐብሔር ፍትህ አስተዳደር ዘርፍ የዐቃቢያነ ህግ ሚናን ለማጠናከር ያለመ ሥልጠና ለክልሉ፣ ለዞን እና ለልዩ ወረዳ ዐቃቢያነ ህጎች በሆሳዕና ከተማ ለሁለት ተከታታይ ቀናት ሲሰጥ የነበረዉ ስልጠና ተጠናቀቀ ።

በሥልጠናው ላይ ተገኝተው የመክፈቻ ንግግር ያደረጉት የፍትህ ቢሮ ምክትል ኃላፊ እና የኮርፖሬት ዘርፍ ኃላፊ አቶ ሰላሙ ዳንኤል በንግግራቸው የሕግ የበላይነት እውን እንዲሆን በወንጀልና በፍትሐብሔር ፍትህ አስተዳደር ዘርፍ የሚፈፀሙ ተግባራት ትልቅ ሚና እንዳላቸው ገልጸው፣ በተለይም ቅጣቶች በፍትሃዊነት፣ በወጥነትና በሕግ መሠረት እንዲወሰኑ የተሻሻለው የቅጣት አወሳሰን መመሪያ 3/2017 ከፍተኛ ጠቀሜታ እንዳለው አስረድተዋል።
በሥልጠናው ወቅት ዐቃቢያነ ህግ በወንጀል ቅጣት አወሳሰን ሂደት ተገቢ የቅጣት አስተያየት በመስጠት የፍትህ ሥርዓቱን ወጥነትና ተዓማኒነት በማስጠበቅ ያላቸው ሚና በስፋት ተዳሷል።
በተጨማሪም በፍትሐብሔር ፍትህ አስተዳደር ዘርፍ የመንግስትና የሕዝብ ጥቅም እንዲጠበቅ፣ የግዥ ውሎችና ሌሎች የመንግስት ጉዳዮች በሕግ መሠረት እንዲፈፀሙ እንዲሁም ከህገ-ወጥ ተግባራትና ከኪሳራ ለመከላከል የዐቃቢያነ ህግ ሚና ወሳኝ መሆኑ ተጠቅሷል።
በመድረኩ ላይ በወንጀል ቅጣት አወሳሰን መመሪያ ቁጥር 3/2017 ላይ ያተኮረ የመወያያ ሰነድ በክልሉ ዐቃቤ ሕግ በአቶ ደጀኔ ማቲዎስ የቀረበ ሲሆን፣ በፍትሐብሔር ጉዳዮች ፍትሕ አስተዳደር የዐቃቤ ሕግ ሚናን የተመለከተ ጽሑፍ ደግሞ በዳይሬክቶሬት ዳይሬክተሩ በአቶ አሊ ሰይድ አማካኝነት ቀርቧል።
ሥልጠናው የሙያ ብቃትን ለማሳደግ፣ ወጥ አሰራርን ለማጠናከር እና የፍትህ አገልግሎትን ቀልጣፋና ውጤታማ ለማድረግ ከፍተኛ አስተዋፅኦ እንዳለው ተገልጿል።
ተሳታፊዎችም በሥልጠናው የሚቀርቡ ሐሳቦችን በጥልቀት በመከታተልና ልምድ በመጋራት የተሻለ የፍትህ አገልግሎት ለማበርከት ዝግጁ መሆናቸውን ገልጸዋል።

Image

ከፍተኛ ጉዳት እያደረሰ የሚገኘውን ኢ-መደበኛ ፍልሰትና በሰው መነገድ ወንጀል ለመከላከል የህግ ማዕቀፍ ማጠናከርን ያማከለ የምክክር መድረክ ተካሄደ

Seble — Wed, 13 May 2026 06:25:43 +0000

ከፍተኛ ጉዳት እያደረሰ የሚገኘውን ኢ-መደበኛ ፍልሰትና በሰው መነገድ ወንጀል ለመከላከል የህግ ማዕቀፍ ማጠናከርን ያማከለ የምክክር መድረክ ተካሄደ Seble Wed, 05/13/2026 - 09:25

ከፍተኛ ጉዳት እያደረሰ የሚገኘውን ኢ-መደበኛ ፍልሰትና በሰው መነገድ ወንጀል ለመከላከል የህግ ማዕቀፍ ማጠናከርን ያማከለ የምክክር መድረክ ተካሄደ

ሀላባ ግንቦት 4/2018 ዓ.ም

የማዕከላዊ ኢትዮጲያ ክልል መንግስት ፍትህ ቢሮ ኢ-መደበኛ ፍልሰትን፣ በሰው መነገድን እና ህገ-ወጥ የውጭ ሀገር የሥራ ስምሪትን ለመከላከልና ለመቆጣጠር የወጣውን አዋጅ ቁጥር 1178/2012 እና ደንብ ቁጥር 32/2017 አስመልክቶ ከተለያዩ ባለድርሻ አካላት ጋር የምክክርና የግንዛቤ ማስጨበጫ መድረክ በዱራሜ ከተማ ተካሂዷል።
በመድረኩ ተገኝተው የመክፈቻ ንግግር ያደረጉት የማዕከላዊ ኢትዮጲያ ክልል ፍትህ ቢሮ ም/ኃላፊ እና የህግ ጉዳዮች ዘርፍ ኃላፊ አቶ አብርሃም በድሩ ሲሆኑ በንግግራቸው እንደገለጹት :- በሰው መነገድና ሰዎችን በህገ-ወጥ መንገድ ድንበር ማሻገር ወንጀሎች በዜጎች ህይወት፣ ደህንነትና ሰብዓዊ መብት ላይ ከፍተኛ ጉዳት እያደረሰ እንደሚገኝ እና ችግሩን በህግ፣ በቅንጅትና በህዝብ ተሳትፎ ለመከላከል የተጠናከረ ሥራ እየተከናወነ መሆኑን ገልጸዋል።

ኃላፊው በማከልም አዋጁና ደንቡ የሰው መነገድን፣ ህገ-ወጥ የውጭ ሀገር የሥራ ስምሪትን እና ሰዎችን በህገ-ወጥ መንገድ ድንበር ማሻገርን ለመከላከል እንዲሁም የፍልሰት አስተዳደርን ቀልጣፋና ውጤታማ ለማድረግ የሚያስችሉ መሆናቸው ተጠቁሟል። በተለይም የተለያዩ መንግስታዊና መንግስታዊ ያልሆኑ ተቋማት፣ የህዝብ አደረጃጀቶች፣ የሀይማኖት ተቋማት እና የሙያ ማህበራት በቅንጅት እንዲሰሩ የሚያግዝ የትብብር ሥርዓት መዘርጋቱንም ገልጸዋል።
በክልሉ በተለይም በሀድያ፣ በከምባታ ጠምባሮ፣ በጉራጌ፣ በምዕራብ ጉራጌ፣ በስልጤ እና በሀላባ ዞኖች የሚስተዋሉ በሰው መነገድና ህገ-ወጥ ፍልሰት ችግሮችን ለመቀነስ የተለያዩ የግንዛቤ ማስጨበጫ፣ የክትትልና የቅንጅት ሥራዎች ሲከናወኑ መቆየታቸውንም ጠቅሰዋል።
በመቀጠልም ለውይይት የተዘጋጀውን ሠነድ በጥሩ ሁኔታ በማቅረብ ስልጠናውን የሰጡት የቢሮው ዐቃቤ ህግ አቶ ጢሞትዮስ ዋርጎ እና የቢሮው የፍልት ጥብብር ጥምረት አስተባባሪ አቶ ታደሰ ወንድሙ ሲሆኑ

በመድረኩ የተሳተፉ አመራሮች፣ ፈፃሚዎች እና ሌሎች ባለድርሻ አካላት ችግሩን ለመከላከል የራሳቸውን ድርሻ በተጠናከረ መልኩ ለመወጣት ቁርጠኝነታቸውን የገለፁ ሲሆን፣ ህብረተሰቡም ከህገ-ወጥ የፍልሰት መንገዶች እንዲርቅ እና ህጋዊ አሰራሮችን እንዲከተል ጥሪ ቀርቧል።

ፍቅርተ ዘለቀ

የቢሮው መ/ኮሚኒኬሽን

Image

በሴቶችና ህፃናት ላይ የሚፈፀሙ ወንጀሎችን መከላከል እና ምላሽ አሰጣጥ ዙርያ የአቅም ግንባታ ሥልጠና ተሰጠ።

Seble — Thu, 30 Apr 2026 21:11:38 +0000

በሴቶችና ህፃናት ላይ የሚፈፀሙ ወንጀሎችን መከላከል እና ምላሽ አሰጣጥ ዙርያ የአቅም ግንባታ ሥልጠና ተሰጠ። Seble Fri, 05/01/2026 - 00:11

በሴቶችና ህፃናት ላይ የሚፈፀሙ ወንጀሎችን መከላከል እና ምላሽ አሰጣጥ ዙርያ የአቅም ግንባታ ሥልጠና ተሰጠ።
*****
ሚያዝያ 20 / 2018 ዓ.ም ሀላባ

የማዕከላዊ ኢትዮጵያ ክልል ፍትህ ቢሮ በሴቶችና ህፃናት ላይ የሚፈፀሙ ወንጀሎችን ለመከላከል እና ድርጊቱ ሲፈፀም ፈጣንና ፍትሃዊ ምላሽ ለመስጠት ያለመ የአቅም ግንባታ ሥልጠና በወራቤ ከተማ ተሰጠ።

በሥልጠናው በሴቶችና ህጻናት ላይ የሚፈፀሙ ወንጀሎች በተለይ የሴት ልጅ ግርዛትና ያለ-እድሜ ጋብቻን ለመከላከል እና ተፈጽሞ ሲገኝ ተገቢውን ምላሽ በመስጠት የሚሰሩ ዐቃቤያነ-ህጎች፣ መርማሪ ፖሊሶች እና የማህበራዊ ሳይንስ ባለሙያዎች ተሳትፈዋል።

በመድረኩ ተገኝተው የመክፈቻ ንግግር በማድረግ መድረኩን ያስጀመሩት የፍትህ ቢሮ ኃላፊ የተከበሩ አቶ አክመል አህመዲን ሲሆኑ በንግግራቸውም
ቢሮው ለሴቶችና ህፃናት መብትና ደህንነት ልዩ ትኩረት በመስጠት ከክልል እስከ ታችኛው የፍትህ መዋቅር ድረስ የተደራጀ የሥራ ክፍል እንዲደራጅ በማድረግ ባለሙያዎችን በመመደብ የተሻለ አገልግሎት እየሰጠ መሆኑን ገልጸዋል።

ኃላፊው አያይዘው በሴቶችና ህፃናት ላይ የሚፈጸሙ የጥቃት ድርጊቶቹ በብዛት የሚፈፀሙባቸውን አካባቢዎች በመለየት ከUNICEF ጋር በመተባበር የበጀት፣ የቁሳቁስ እና የሥልጠና ድጋፎችን እየሰጠ ቢሆንም የተሻለ ውጤት ለማምጣት ተጨማሪ ጥረት እንደ ሚያስፈልግ ጠቁመዋል።

ሥልጠናው በተለይ በመጋቢት 24/2018 ዓ.ም የፀደቀው አዲሱ የወንጀል ሥነ-ሥርዓትና የማስረጃ ህግ (አዋጅ ቁጥር 1410/2018) ላይ ትኩረት በመስጠት ተሳታፊዎች ዲጅታል ማስረጃዎችን እና ዘመናዊ የምርመራ ስልቶችን በተግባር እንዲጠቀሙ አሳስበዋል።

ኃላፊው በማከልም ተሳታፊዎች የጉዳዩን አሳሳቢነትና ውስብስብነት በጥልቀት እንዲገነዘቡ እና በሥልጠናው የሚገኙ ክህሎቶችን በተግባር በማዋል በመረጃ አያያዝና በአላላክ ሂደት የሚታዩ ክፍተቶችን በማረም
የሴቶችና ህፃናትን መብት የሚጎዱ አካላትን በህግ አግባብ ተጠያቂ በማድረግ አስተማሪ ውሳኔዎች እንዲሰጡ እና ሁለንተናዊ ጥበቃ እንዲረጋገጥ ጥሪ አቅርበዋል።

በመቀጠልም ለሥልጠናው የተዘጋጀው ሰነድ በቢሮው ዐቃቤ ህግ በአቶ ጢሞትዮስ ዋርጎ ቀርቦ ተሳታፊዎች ንቁ ተሳትፎ አድርገውበታል።

በመጨረሻም ተሳታፊዎች ባነሷቸው ሀሳቦች ላይ የቢሮው የሴ/ህ ልዩ የም/ ክስ ጉ/ ክትትል ዳይሬክቶሬት ዳይሬክተር በአቶ አፈወርቅ ደሚሴ እና በአቶ ጢሞትዮስ ዋርጎ ምላሽና አስተያየት የተሰጠ ሲሆን፤ የሚታዩ ክፍተቶችን በማስተካከል ሁሉም አካል የሚጠበቅበትን ተግባር በመከወንና ተቀናጅቶ ለመስራት በመዘጋጀት ፍትሕ እንዲረጋገጥ የበኩሉን አስተዋጽኦ እንዲያበረክት ጥሪ በማቅረብ የማጠቃለያ ሀሳቦች ተሰጥተው መድረኩ ተጠናቋል።

የቢሮው መ/ኮሚኒኬሽን

Image